ოპოზიციის ის ნაწილი, რომელიც საკუთარი პოლიტიკური მიზნებისთვის იყენებს ამ ოჯახის ტრაგედიას, ეს არის ძალიან ბინძური კამპანია, – ამის შესახებ უმრავლესობის დეპუტატმა ანრი ოხანაშვილმა განაცხადა.
მისი თქმით, ეს კიდევ ერთხელ გვაჩვენებს, როგორია, ოპოზიციის განწყობა.
„ოპოზიციის ის ნაწილი, რომელიც საკუთარი პოლიტიკური მიზნებისთვის იყენებს ამ ოჯახის ტრაგედიას, ეს არის ძალიან ბინძური კამპანია. ეს კიდევ ერთხელ გვაჩვენებს, როგორია, ოპოზიციის განწყობა და საზოგადოებამ დაინახა გუშინ პრემიერ-მინისტრის მისვლა იქ მყოფ ადამიანებს გაუხარდათ და უშუალოდ ზაზა სარალიძეს, მაგრამ „ნაციონალურმა მოძრაობამ“ არ მისცა საშუალება ზაზა სარალიძესაც კი, წარმართულიყო ადამიანური საუბარი და მიეცათ პრემიერისთვის საშუალება დაეფიქსირებინა მისი პოზიცია“, – განაცხადა ანრი ოხანაშვილმა, რომელმაც აქვე აღნიშნა, რომ ყველა ოპოზიციური ძალა უნდა გაემიჯნოს მსგავს სპეკულაციას და ყველა ერთად უნდა დავდგეთ, რათა საქმეზე კითხვებს უმოკლეს დროში გაეცეს პასუხი.