გიორგი უშიკიშვილმა საქართველოს რეგიონებში მცხოვრებ მოსახლეობას, პარლამენტის წინ მიმდინარე აქციაზე მისვლისკენ და ზაზა სარალიძისთვის სოლიდარობის გამოცხადებისკენ მოუწოდა.
„ყველა დავიღალეთ ამ უსამართლობით. ყველა დავიღალეთ იმით რომ გვიკლავენ ბიჭებს. ყველა დავიღალეთ იმით რომ ადამიანები იხოციანებიან შიმშილით. ამიტომ, მე მინდა ვთხოვო ყველას მთელ საქართველოში ყველა ჩემ მეგობარს - ჩამოდით თბილისში, დავდგეთ ერთად და ასე დავასრულოთ ის უსამართლობა, რრომელიც საქართველოში სუფევს“, - განაცხადა უშიკიშვილმა და აქციის მონაწილეებთან ერთად საქართველოს ჰიმნი შეასრულა.
ირაკლი შოთაძის განადგომის მოთხოვნით აქცია დღეს მას შემდეგ დაიწყო, რაც ხორავის ქუჩაძე მომხდარი მკვლელობის საქმეზე თბილისის საქალაქო სასამართლომ გადაწყვეტილება გამოაცხადა. მოსამართლემ ერთი ბრალდებული დავით სარალიძესთან მიმართებაში, ხოლო მეორე ლევან დადუნაშვილთან მიმართებაში გაამართლა. მოსამართლის გადაწყვეტილებით, ერთი ბრალდებული, რომელსაც ბრალი ედებოდა მხოლოდ დავით სარალიძის მკვლელობაში გამართლდა წარდგენილ ბრალდებაში. მეორე მოზარდი, გამართლდა ლევან დადუნაშვილის მკვლელობაში დავით სარალიძის ნაწილში კი მოსამართლემ გადაუკვალიფიცირა ბრალი და მას მსჯავრს დაადებენ განზრახ მკვლელობის მცდელობისთვის.
მთავარ პროკურატურასთან მიმდინარე აქციამ, მას შემდეგ რაც მთავარმა პროკურორმა ირაკლი შოთაძემ თანამდებობა დატოვა, რუსთაველის გამზირზე, პარლამენტის შენობასთან გადაინაცვლა.