დღეს, თვითონ მთავარმა პროკურორმა, თითქმის აღიარა კაპიტულაცია, იმით რომ ამდენი ხნის მერე მან თქვა, რომ ახლა უნდა ჩამოიყვანოს უცხოელი პროკურორები, რომლებმაც ყველაფერი თავიდან უნდა დაიწყონ, - ამის შესახებ იუსტიციის უმაღლესი საბჭოს წევრმა ანა დოლიძემ განაცხადა, რომელიც პროკურატურასთან იმყოფება.
მისი თქმით, აშკარაა, რომ საგამოძიებო უწყების თანამშრომელმა დავალება ვერ შეასრულეს.
მისივე თქმით, ირაკლი შოთაძემ მის მანდატს თვითონვე დაუსვა წერტილი.
„დღეს მან თითქმის თვითონვე აღიარა, რომ ეს სტრუქტურა უუნაროა, ან არ აქვს ნება, რომ შესაბამისი პასუხები გასცეს კითხვებს, რომელიც ამ საქმეზე დაისვა. მან ეს თვითონ განაცხადა, მას შემდეგ, რაც მოუწოდა უცხოელებს, რომ ჩართულიყვნენ. მე ვფიქრობ, რომ მან თავის მანდატს თვითონვე დაუსვა წერტილი“, - განაცხადა ანა დოლიძემ.