„ჩვენ ვერ ვიდგებით მეორე მხარეს, როდესაც ჩვენი მოქალაქე, დაზარალებული, შვილმკვდარი მამა, შვილმკვდარი დედა, ტკივილით დატვირთული ადამიანი, როდესაც გვეუბნება, რომ ხელი გამოგვიწოდეო,“ - ეს განაცხადა ეკა ბესელიამ პარლამენტის სესიაზე სიტყვით გამოსვლისას გააკეთა.
თუმცა, ის მანამდე კომისიის შექმნას ეწინააღმდეგებოდა. მან პარლამენტის სხდომაზე სიტყვით გამოსვლისას განმარტა, პოზიცია რატომ შეიცვალა და აღნიშნა, რომ „იმ გადაწყვეტილების შემდეგ, როცა სასამართლომ ღიად დასვა კითხვა, ვინ ჩაიდინა მკვლელობა, დადგა საჭიროება, რომ საკანონმდებლო ორგანომ გამოთქვას მზაობა და პასუხისმგებლობა“.
მან საგამოძიებო კომისიის შექმნის სამართლებრივი მხარეები განმარტა და აღნიშნა, რომ პარლამენტი ვერ იდგება მეორე მხარეს, როდესაც შვილმკვდარი მამა საკანონმდებლო ორგანოს დახმარებას სთხოვს.
„ჩვენ ვერ ვიდგებით მეორე მხარეს, როდესაც ჩვენი მოქალაქე, დაზარალებული, შვილმკვდარი მამა, შვილმკვდარი დედა, ტკივილით დატვირთული ადამიანი, როდესაც გვეუბნება, რომ ხელი გამოგვიწოდეო. ჩვენ ვართ ის ხელისუფლება, რომელიც მოვედით ხელისუფლებაში ადამიანის ტკივილის, ადამიანის უფლების დაცვის და სამართლიანობის დაცვის პრინციპის გაცხადებით,“ - განაცხადა ეკა ბესელიამ.
