„როდესაც ორი ბავშვია მოკლული და დასრულებულ დანაშაულზე ერთ შემთხვევაში განაჩენი დგება, ხოლო მეორე შემთხვევაში - მცდელობაზე, აშკარაა, რომ საქმე ბოლომდეა მისაყვანი,“ - ამის შესახებ პარლამენტის თავმჯდომარემ, ირაკლი კობახიძემ, პარლამენტის ბიუროს სხდომაზე განაცხადა.
“ეს აშკარად ჩანს. აქედან გამომდინარე, ჩვენ არც ერთ მხარეს (სასამართლო და პროკურატურა) აპრიორი არ ვუცხადებთ ნდობას. ჩვენ ვამბობთ, რომ ეს საკითხი საბოლოოდ უნდა გაირკვეს და საბოლოოდ, სამართლიანი განაჩენი უნდა დადგეს. ასეთია ჩვენი პოზიცია - არასწორია აპრიორი ერთი მხარისთვის ნდობის გამოცხადება და მეორე მხარისთვის უნდობლობის გამოცხადება. ჩვენ უნდა გავარკვიოთ, რაშია რეალურად საქმე,“ - განაცხადა ირაკლი კობახიძემ.
შეგახსენებთ, რომ დღეს პარლამენტის ბიუროს სხდომაზე „ევრიპულმა საქართველომ“ მოითხოვა, რომ კომისიის შექმნის საკითხი დღევანდელ სხდომაზე გადაწყდეს.