რას ვსაყვედურობდით სააკაშვილს? ეს უარესი არ არის, რაც ხდება?, - ამის შესახებ მთავარ პროკურატურასთან თბილისის მერობის ყოფილმა კანდიდატმა ალეკო ელისაშვილმა განაცხადა.
მისი თქმით, ის მზად არის ყველა იმ აქტივობაში მიიღოს მონაწილეობა, რასაც ზაზა სარალიძე დაგეგმავს.
„შვილები მყავს და არ მინდა ჩემს შვილებს სკოლაში ისეთი რამ დაემართოთ, რაც მოხდა და მეორეც არ მინდა სახელმწიფო და პროკურატურა აი, ესე სრესდეს ერთ კონკრეტულ მშობელს. რას ვსაყვედურობდით სააკაშვილს? ეს უარესი არ არის რაც ხდება? ადამიანს შვილი მოუკლეს და აბუჩად იგდებს მთელი პროკურატურა", - განაცხადა ალეკო ელისაშვილმა.