„იმედი მინდა გამოვთქვა, რომ საბოლოო ჯამში, მართლმსაჯულების სისტემაში დადგება სამართლიანი განაჩენი ამ მნიშვნელოვან საქმეზე, რომელიც ძალიან მძიმე დანაშაულს - არასრულწლოვანი ბავშვების მკვლელობას ეხება,“ - ეს განცხადება პარლამენტის ბიუროს სხდომაზე ირაკლი კობახიძემ გააკეთა.
ბიუროს სხდომაზე ოპოზიციამ მოითხოვა, რომ პარლამენტმა ხორავას ქუჩის საქმეზე შექმნას საგამოძიებო კომისია, რასაც „ევროპული საქართველო“ უკვე დიდი ხანია, ითოხვს და მათ მხარს ენმ-ც უჭერს. საპასუხოდ ირაკლი კობახიძემ კი განაცხადა, რომ “განაჩენი დადგა ძალიან აქტუალურ და მგრძნობიარე საქმეზე. საქმე არასრულწლოვანი ბავშვების მკვლელობას ეხება. მოვისმინეთ განაჩენი, ასევე მოვისმინეთ პროკურატურის პოზიცია, რომელიც აცხადებს, რომ სასამართლომ მის მიერ წარდგენილი მტკიცებულებები არ გაზიარა. შესაბამისად, პროკურატურა გეგმავს განაჩენის სააპელაციო დონეზე გასაჩივრებას. იმედი მინდა გამოვთქვა, რომ საბოლოო ჯამში, მართლმსაჯულების სისტემაში დადგება სამართლიანი განაჩენი ამ ძალიან მნიშვნელოვან საქმეზე, რომელიც მძიმე დანაშაულს - არასრულწლოვანი ბავშვების მკვლელობას ეხება“.
