შვილი დამიჩეხეს, სულში ჩააფურთხეს ჩემს შვილს და ახლა შევხვდე?, - ამის შესახებ ხორავას ქუჩაზე მოკლული დავით სარალიძის მამამ ზაზა სარალიძემ პროკურატურასთან განაცხადა.
მისი თქმით, ის პროკურატურასთან იქამდე იქნება, სანამ შოთაძე არ გადადგება.
"სანამ ირაკლი შოთაძე დაუყოვნებლივ არ იქნება გადაყენებული, დაუყოვნებლივ პასუხისგებაში მიცემული, როგორც მთავარი საქმის გამყალბებელი, ვის უნდა შევხვდე? სად იყვნენ აქამდე? შვილი დამიჩეხეს, სულში ჩააფურთხეს ჩემს შვილს და ახლა შევხვდე? გარეთ გამოვიდეს აქ დამიდგეს პირისპირ და დავუსვამ კითხვებს. რატომ მეპატიჟება იქ? როცა ვიყავი იქ დაპატიჟებული მაშინ არ გაანძრიეს ერთი ადგილი. ახლა გამოვიდეს შოთაძე და აქ დამელაპარაკოს. რისთვის შევიდე შიგნით, ხელახლა რომ მომატყუოს? არა დაუყოვნებლივ გადადგეს შოთაძე ახალ პროკურორს შევხვდები. ახალი პროკურორი რომელიც იქნება იმას შევხვდები და გავიზიარებ ჩემს მოსაზრებებს. არავითარ ვადას არ ვაძლევ, დღესვე გადადგეს, დაუყოვნებლივ დატოვოს თანამდებობა, როგორც საქმის მთავარმა გამყალბებელმა. სანამ არ გადადგება, 24 საათი აქ ვიქნები აქედან არ მოვიცვლი ფეხს. მოვუწოდებ მთელ საქართველოა და ყველა შვილმკვდარ მშობელს გვერდით დამიდგეს რათა უსამართლობა და ეს სისტემა დაინგრეს, რომელმაც სულში ჩამაფურთხა", - განაცხადა სარალიძემ.