ხორავას ქუჩაზე მოკლულის მამის დავით სარალიძის მამა ზაზა სარალიძე პროკურატურასთან იმყოფება. ზაზა სარალიძე მთავარი პროკურორის ირაკლი შოთაძის პასუხისგებაში მიცემას ითხოვს, რადგან სარალიძის თქმით, ის ნამდვილ დამნაშავეებს ხელს აფარებს.
"მე არაფერს ვგეგმავ, დაუყოვნებლივ იქნას გადამდგარი შოთაძე, კაპანაძე, ფხაკაძე, გუგუშვილი, დაუყოვნებლივ იქნეს მიცემული პასუხისგებაში ჩემი შვილის მკვლელი, დაუყოვნებლივ!
მთელ საქართველოს მოვუწოდებ, ყველა შვილმკვდარ მშობელს, დამიდგეს გვერდით! დღეს ჩემი შვილის მკვლელები დაჭერილი არ არიან, მთელ საქართველოს მოვუწოდებ! ახლავე გამოვიდეს ნაძირალა შოთაძე, ფეხს არ მოვიცვლი აქედან!
რა თქმა უნდა, ხელს აფარებდა პროკურატურა, მოსამართლეს მალადეც, რომ არ დაემორჩილა მათ.
არავითარი შეხვედრა, ვის შევხვდე, ნაძირალა შოთაძეს?! რაზე შევხვდე?! დღესვე დააკავონ ჩემი შვილის მკვლელი და დღესვე მიეცეს პასუხისგებაში შოთაძე, გუგუშვილი და ფხაკაძე!", - აცხადებს სარალიძე.
ხორავას ქუჩაზე მოკლული ორი მოზარდის საქმეზე სასამართლომ გადაწყვეტილება გამოიტანა. მოსამართლემ ერთი ბრალდებული დავით სარალიძესთან მიმართებაში, ხოლო მეორე ლევან დადუნაშვილთან მიმართებაში გაამართლა. მოსამართლის გადაწყვეტილებით, ერთი ბრალდებული, რომელსაც ბრალი ედებოდა მხოლოდ დავით სარალიძის მკვლელობაში გამართლდა წარდგენილ ბრალდებაში. მეორე მოზარდი, გამართლდა ლევან დადუნაშვილის მკვლელობაში დავით სარალიძის ნაწილში კი მოსამართლემ გადაუკვალიფიცირა ბრალი და მას მსჯავრს დაადებენ განზრახ მკვლელობის მცდელობისთვის.
2017 სლის 1-ელ დეკემბერს ხორავას ქუჩაზე ორი მოზარდი დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი, ექიმების მცდელობისა და რამდენიმე ოპერაციის მიუხედავად, 2 დეკემბერს საავადმყოფოში დაიღუპა. ჯგუფურად ორი მოზარდის მკვლელობაში ორი არასრულწლოვანია ბრალდებული.