იარაღის უკანონოდ შეძენა-შენახვა-ტარებისთვის სასჯელი მკაცრდება. სანქციების გამკაცრებას შსს-ს ინიციატივა ითვალისწინებს, რომლის თანახმად, 3-დან 6 წლამდე ვადით დაისჯება შეძენა-შენახვა და ტარება დაისჯება 4-დან 7 წლამდე ვადით თავისუფლების აღკვეთით. უწყება გადაწყვეტილებას გახშირებული დანაშაულით ხსნის, რომელიც უკანონოდ შეძენილი იარაღით არის ჩადენილი.
„საკმაოდ გახშირებულია ცეცხლსასროლი იარაღის შეძენა-შენახვა-ტარების ფაქტები და ამ იარაღების გამოყენებით, ცალკეული კატეგორიის დანაშაულების ჩადენის ფაქტები, შესაბამისად, ეს წინადადება დავაყენეთ,“ - განაცხადა შს მინისტრის მოადგილემ, ნათია მეზვრიშვილმა.
პარლამენტის იურიდიულ საკითხთა კომიტეტმა შინაგან საქმეთა სამინისტროს ინიციატივა დღეს განიხილა და მხარი დაუჭირა.