მმართველი გუნდის წარმოამდგენელი, გია ვოლსკი, მიიჩნევს, რომ საქართველოს ნატო-ში შესაძლო გაწევრიანების კონკრეტული თარიღის დასახელება არასწორია. თუმცა, აცხადებს, რომ რომ „ნატო-ს სტრუქტურებთან, ნატო-ს ქვეყნებთან და ამერიკის შეერთებულ შტატებთან საქართველოს თანამშრომლობის ხარისხი და თანამშრომლობის დონე გაცილებით მაღალია, ვიდრე ახლო წარსულში იყო“.
ამის შესახებ მან განცხადება დღეს პარლამენტში ჟურნალისტებთან პრემიერის იმ განცხადების კომენტარისას გააკეთა, სადაც კვირიკაშვილმა იმედი გამოთქვა, რომ 2021 წელს - საქართველოს საბჭოთა ოკუპაციის 100 წლისთავზე, საქართველო ნატო-ს წევრი იქნება.
“ნატო-ს საპარლამენტო ასამბლეის დელეგაციის შემადგენლობაში ახლახან ვიყავი. შეხვედრები გვქონდა ბრიუსელში, მათ შორის მაღალი დონის წარმომადგენლობასთან, იენს სტოლტენბერგის მოადგილესთან. საინტერესო საუბრები იყო. მე ვფიქრობ, კონკრეტული ვადის დასახელება არასწორია, თუმცა, მუშაობა და შექმნილი ვითარება ყველანაირ საფუძველს ქმნის იმისა, რომ ამ სამიტზე ჩვენი თანამშრომლობა უმაღლეს დონეზე შეფასდეს. მე მგონია, წევრობასთან დაკავშირებით კონკრეტული ვადის დასახელება ჯერჯერობით შეუძლებელია, თუმცა, შესაძლოა, პრემიერის ნათქვამში არსებობდეს ის რეალური შინაარსი, რომელსაც ნატო-ს შემადგენლობა გაითვალისწინებს,“ - განაცხადა ვოლსკიმ.