ხორავას ქუჩაზე მოკლული დავით სარალიძის მამის, ზაზა სარალიძის განმარტებით, მკვლელობაში ბრალდებულმა არასრულწლოვანმა დღეს პირდაპირ დაადო ხელი მიხეილ კალანდიას და თქვა, რომ მას ხელში რაღაც საგანი დაუნახა.
როგორც სარალიძე აღნიშნავს, ბრალდებულმა ინციდენტის შემდეგ ყოფილ პროკურორთან, მირზა სუბელიანთან კავშირიც დაადასტურა.
"პირადად ჩემთვის ბრალდებულის ჩვენება სიახლე არ ყოფილა. რაც გაჟღერდა, ის ინფორმაცია აქამდეც ვიცოდით, უბრალოდ პროკურატურას არ უნდოდა ამის აღიარება. მოწმის ჩვენებით, მიხეილ კალანდიას ქურთუკის მკლავზე დაინახა სისხლი და ასევე რაღაც საგანი, რომელიც ხელში ეჭირა და ქურთუკში მალავდა. გარდა ამისა, დაადასტურა მირზა სუბელიანთან შეხვედრა, როდესაც სუბელიანი მივიდა კალანდიების სახლში, მიესალმა კიდევაც, მაგრამ მერე უკვე კალანდიამ გამოიყვანა სახლიდან და უთხრა - ბიძაჩემი ხომ იცი რა მაგარი პროკურორია, დაალაგებს ამ საქმესო. ეს უკვე საკმარისი
ინფორმაციაა საიმისოდ, რომ მირზა სუბელიანზე სამართლებრივი დევნა დაიწყოს. რასაც დღემდე მოვითხოვდი, იმას ვითხოვ ახლაც, გამოააშკარაონ, ვისაც ამ დანაშაულთან ოდნავი შემხებლობა მაინც ჰქონდა", - აცხადებს სარალიძე