ვერ გეტყვით რა თანხაა გადახდილი, ალბათ გადახდილია ის თანხა, რისი საჭიროებაც იყო,- ამის შესახებ საკონსტიტუციო სასამართლოს მოსამართლე მანანა კობახიძემ არასამთავრობო ორგანიზაცია IDFI-ის მიერ საკონსტიტუციო სასამართლოს საქმიანობის მონიტორინგის შედეგებთან დაკავშირებთ განაცხადა.
მისი თქმით, კვლევის შედეგები საყურადღებოა.
რაც შეეხება საკონსტიტუციო სასამართლოს თავმჯდომარის მიერ შეძენილ ავტომობილს, მანანა კობახიძე დარწმუნებულია, მიუხედავად იმისა, რომ მანქანა, 180 ათასი ლარი ღირს, ის თავმჯდომარემ საჭიროებიდან გამომდინარე შეიძინა.
„რაც შეეხება კვლევის შედეგებს, რა თქმა უნდა,გავეცნობით, საყურადღებოა. წინასწარ რამის თქმა, როდესაც კვლევას ჯერ არ ვიცნობთ, გაგვიჭირდება, თუმცა თუ კვლევაში არის მოსაზრება და პოზიცია, რომელიც გასაზიარებელი რეკომენდაციაა, რა თქმა უდნა, სასამართლო ამას ყურადღებით გაეცნობა.
რაც შეეხება ფინანსურ ნაწილს, ერთი რამ შემიძლია გითხრათ, თუკი რაიმე ხარჯია გაწეული სასამართლოში, დარწმუნებით შემიძლია ვთქვა, რომ მხოლოდ და მხოლოდ კანონთან შესაბამისი და რაიმე განსაკუთრებულს არ ველოდები რომ კვლევაში იყოს. რა თქმა უდნა, მნიშვნელოვანია, შედარების თვალსაზრისითაც, როგორი იყო ხარჯები 2012 წლამდე, იმიტომ რომ კვლევა მოიცავს 2012-დან -2017 წელს. ალბათ ეს კითხვაც იქნება ჩემი მხრიდან, რატომ გამოიკვეთა მაინცდამაინც ეს პერიოდი და როგორი იყო ვითარება მანამდე.
თავმჯდომარე რომ ფეხით ვერ გადაადგილდება თბილისიდან ბათუმში და ძალიან ხშირად შეიძლება მას უწევს მოძრაობა ამ მანძილზე, ეს მე მგონი კითხვის ნიშნის ქვეშ არ დგას, რომ სატრანსპორტო უზრუნველყოფა მოსამართლეებს მთელს მსოფლიოში აქვთ. ვერ გეტყვით რა თანხააა გადახდილი, ალბათ გადახდილია ის თანხა, რისი საჭიროებაც იყო”, – განაცხადა მანანა კობახიძემ.