პარლამენტს შემოქმედებითი ნაწარმოების შეზღუდვის მიზანი არ აქვს, - ამის შესახებ პარლამენტის პირველმა ვიცე-სპიკერმა თამარ ჩუგოშვილმა განაცხადა.
მისი თქმით, თუ ცვლილებების თაობაზე რაიმე შენიშვნა და მოსაზრებები არსებობს, უმრავლესობა მზადაა, განიხილოს და გაიზიაროს.
„ჩვენი თვალსაზრისით, ეს ტექნიკური ცვლილება იყო, თუმცა სხვანაირი შეფასება ჰპოვა საზოგადოების ნაწილში. არანაირი განზრახვა და სურვილი რაიმე შეზღუდვის დაწესების არ არსებობდა, ეს იყო ტექნიკური ჰარმონიზაციის პროცესი კონსტიტუციასთან. თუკი რაიმე შენიშვნები და მოსაზრებები არსებობს, მზად ვართ, განვიხილოთ გავიზიაროთ და არანაირი საფუძველი არ დავტოვოთ იმის თქმის, რომ კულტურულ სფეროში გამოხატვასთან დაკავშირებით დამატებითი შეზღუდვები შემოდის. არანაირი პრობლემა კონსტიტუციაში არ არის. პარლამენტს შეზღუდვის მიზანი არ აქვს”, – განაცხადა თამარ ჩუგოშვილმა.
