სპეკულაცია, რომ ნარკოპოლიტიკაზე თემის გააქტიურება ერთი ადამიანის განცხადებამ გამოიწვია, არასერიოზულია, - ამის შესახებ ფინანსთა მინისტრმა მამუკა ბახტაძემ განაცხადა.
მისი თქმით, ნარკოპოლიტიკასთან დაკავშირებით საუბარი გუნდში, პარლამენტში, საზოგადოებასთან დაიწყო რამდენიმე თვის უკან.
„მას შემდეგ, რაც მე ფინანსთა მინისტრად დავინიშნე, ძალიან ბევრი ინფორმაცია მესმის, მათ შორის, ჩემ პიროვნებასთან დაკავშირებით და არაერთი განმარტება გავაკეთე. ჩემი პასუხი ამაზე ძალიან მარტივია – ნარკოპოლიტიკასთან დაკავშირებით საუბარი გუნდში, პარლამენტში, საზოგადოებასთან დაიწყო რამდენიმე თვის უკან. სპეკულაცია იმაზე, რომ ამის გააქტიურება ერთი ადამიანის განცხადებამ გამოიწვია, არასერიოზულია”, – განაცხადა ბახტაძემ.