საპარლემეტნო უმრავლესობის წარმომადგენელი, დიმიტრი ხუნდაძე მიიჩნევს, რომ შს მინსტრის გუშინდელი ბოდიში დადებითი ფაქტია და ეს გადაწყვეტილება არსებული სიტუაციის განმუხტვისთვის აუცილებელი იყო.
ამის შესახებ განცხადება დიმიტრი ხუნდაძემ დღეს ჟურნალისტებთან გააკეთა და აცხადებს, რომ „მინისტრის ბოდიში, იყო ბოდიში სიტუაციის განმუხტვისთის და არა ქმედებისთვის“.
ამასთან ის აცხადებს, რომ ნარკოპოლიტკასთან დაკავშირებით მას პოზიცია არ შეუცვლია და ქვეყანამ ისეთი ნარკოპოლიტიკა უნდა აწარმოოს, რომ მომხმარებელთა რიცხვი შემცირდეს და არა გაიზარდოს.
„არაერთხელ მითქვამს, რომ ქვეყანაში ნარკოპოლიტიკა უნდა შეიცვალოს, მაგრამ არა ნარკოტიკების პოპულარიზაციის გზით. ნარკოპოლიტიკა უნდა მივიღოთ ქვეყნის ინტერესებიდან გამომდინარე და არა იმისთვის, რომ ვიღაცას გული მოვიფხანოთ“ - აცხადებს ხუნდაძე.
