ნარკოტიკების მომხმარებლების მიმართ საჭიროა მაქსიმალურად ჰუმანური მიდგომა, – ამის შესახებ ფინანსთა მინისტრმა მამუკა ბახტაძემ ნარკოპოლიტიკასთან დაკავშირებით განაცხადა.
მისი თქმით, სახელმწიფო მომხმარებლებზე უნდა ზრუნავდეს.
„გუნდში არის მსჯელობა. ჩვენი მიდგომა მაქსიმალურად ტრანსპარენტული იქნება. ჩემი პირადი მოსაზრებაა, რომ, რა თქმა უნდა, ნარკოტიკების მომხმარებლების მიმართ საჭიროა მაქსიმალურად ჰუმანური მიდგომა. ისინი ჩვენი მოქალაქეები არიან. სახელმწიფო უნდა ზრუნავდეს მათზე და ჩვენ გვაქვს ამ კუთხით ახალი სტანდარტი დასამკვიდრებელი. რაც შეეხება ნარკოტიკული ნივთიერების რეალიზაციას და რეალიზატორებს, აქ ბუნებრივია, კანონი იქნება ძალიან პრინციპული. ეს არის საზოგადოების დაკვეთა და კომპრომისი ამ კუთხით არ იქნება”, – განაცხადა ბახტაძემ.