აქციების მეტი რა გვინახავს, აქციებით ვინმემ ვინმე შეაშინოს, გამორიცხულია, - ამის შეასხებ პარლამენტის ვიცე-სპიკერმა ზვიად ძიძიგურმა განაცხადა.
მისი თქმით, არც ნარკოპოლიტიკა და არც სხვა მნიშვნელოვანი საკითხები ქუჩაში არ გადაწყდება. მისივე განცხადებით, ეს საქართველოს პარლამენტსა და მთავრობაში გადაწყდება, ასევე პოლიტიკური მოლაპარაკებების გზით.
როგორც ძიძიგურმა აღნიშნა, გიორგი გახარიას ქმედება ძალიან ადეკვატური იყო როგორც პარასკევს განვითარებულ მოვლენების დროს, ასევე გუშინ.
„მის გუშინდელ გადაწყვეტილებას მივესალმები, რომ აქციის ორგანიზატორებთან გავიდა. ნარკოპოლიტიკა ისეთი უნდა იყოს, ვინც აქცია მოაწყო, ნარკოტიკისგან დაცულები ის ახალგაზრდებიც იყვნენ და შეხება ნაკლებ ნარკოტიკთან ჰქონდეთ. ძალიან მნიშვნელოვანია, რომ ყველა ადამიანის ჯანმრთელობა, სიცოცხლე და უფლებები დავიცვათ. შს სამინისტროს ქმედება ძალიან ადეკვატური იყო, როგორც პარასკევის მოვლენებში, ასევე გუშინ, როცა აქციის მონაწილეებთან არსებული ვითარების განმუხტვა მოახერხეს და პროცესები სამართლებრივ და პოლიტიკურ ჭრილში გადაიტანა”, – აღნიშნა ძიძიგურმა.