მგონია, გუნდში შესაძლებელი იქნება შეჯერება ნარკოპოლიტიკის რეფორმირების მიმართულებით, – ამის შესახებ ჟურნალისტებს თბილისის მერმა კახა კალაძემ განუცხადა.
მისი თქმით, მუშაობა დაწყებული აქვს პარლამენტს ან მიმართულებით.
„მე გუშინაც გავაკეთე განცხადება, რომ მუშაობა დაწყებული აქვს პარლამენტს ან მიმართულებით. გუნდშიც მიმდინარეობს მსჯელობა. იყო აზრთა სხვადასხვაობა. არის გარკვეულ მიმართულებებზე აზრთა სხვადასხვაობა, თუმცა მგონია, შესაძლებელი იქნება შეჯერება, რომ არსებული ნარკოპოლიტიკის მიმართულებით, რომელიც მე და ჩვენ ყველას გვგონია, რომ პრობლემას წარმოადგენს, იქნება რეფორმები, რომელიც გვინდა განვახორციელოთ, ეს ყველაფერი იქნება მოწესრიგებული და მოგვარებული, ამის რესურსს გუნდში ვხედავ“, – განაცხადა კახა კალაძემ.
ცნობისთვის, შინაგან საქმეთა მინისტრ გიორგი გახარიასა და „თეთრი ხმაურის მოძრაობის“ წარმომადგენლებს შორის შეთანხმების პირობებზე მუშაობა დღეს დაიწყება.
