“თეთრი ხმაურის მოძრაობის“ ლიდერი ბექა წიქარიშვილი აცხადებს, რომ მათი აქცია რუსთაველის გამზირზე, პარლამენტთან გაგრძელდება. ის დედაქალაქის მერის კახა კალაძის მიერ განცხადების გაკეთების ფაქტს გამოეხმაურა და აღნიშნა, რომ ქალაქის მერი არ უნდა ლაპარაკობდეს ნარკოპოლიტიკაზე, უნდა საუბრობდეს პრემიერი, შს მინისტრი.
„ძალიან სამწუხაროა, როდესაც პასუხისმგებლობის გადანაწილება ხდება. ქალაქის მერი არ უნდა ლაპარაკობდეს ნარკოპოლიტიკაზე, უნდა საუბრობდეს პრემიერი, შს მინისტრი. ქმედებებმა, რაც გუშინ განხორციელდა, დაადასტურა, რომ რეალიზატორებისთვის არ გაკეთებულა. რეალურად, მათ რეალიზატორები დაკავებული ჰყავდათ კლუბის გარეთ, ანუ ვის მოვკითხოთ ამაზე პასუხი, ვიღაც ხომ უნდა იყოს პასუხისმგებელი“, - განაცხადა წიქარიშვილმა.
