პარტია „ქართული ოცნება-დემოკრატიული საქართველოს“ თავმჯდომარის, ბიძინა ივანიშვილის განცხადებით, ქვეყანაში ისეთი სტანდარტი დამკვიდრდა, რომ ფაქტს „ახალი ამბის“ სტატუსი მხოლოდ ნეგატიური კონტექსტის შემთხვევაში ენიჭება.
მისი თქმით, აღნიშნული ერთგვარ ტრენდად იქცა და ამ გამოწვევას მთავრობამაც სათანადოდ ვერ უპასუხა.
„ჩვენს ქვეყანაში დამკვიდრდა ერთგვარი სტანდარტი, რომლის თანახმადაც ფაქტს „ახალი ამბის“ სტატუსი მხოლოდ იმ შემთხვევაში ენიჭება, თუ იგი ნეგატიურ კონტექსტს შეიცავს. სამწუხაროდ, ამ ნეგატიურმა ტრენდმა, პრაქტიკულად, საყოველთაო ხასიათი მიიღო და უნდა აღვნიშნო, რომ მთავრობამაც სათანადოდ ვერ უპასუხა ამ გამოწვევას“, – განაცხადა ბიძინა ივანიშვილმა.
ცნობისთვის, ბიძინა ივანიშვილი პარტია „ქართული ოცნება-დემოკრატიული საქართველოს“ თავმჯდომარედ დღეს პარტიის მეხუთე ყრილობაზე აირჩიეს.