ივანიშვილი არ ბრუნდება ხელისუფლებაში და ის არ წასულა პოლიტიკიდან - ეს განცხადება „ქართული ოცნების“ წარმომადგენელმა, ირაკლი სესიაშვილმა ჟურნალისტებთან მთაწმინდის პარკში განაცხადა, სადაც მმართველი პარტის ყრილობა მიმდინარეობს.
ირაკლი სესიაშვილმა ჟურნალისტების კითხვაზე, ბიძინა ივანიშვილის სამომავლო პოლიტიკურ გეგმებთან დაკავშირები აღნიშნა, რომ ის ხელისუფლებაში არ ბრუნდება და შესაბამისად მისი მიზნებიც მხოლოდ პარტია „ქართული ოცნების“ გაძლიერება და ევროპული ტიპის პარტიად გადაქცევის ხელის შეწყობაა.
„ქართული ოცნება“ არის დემოკრატიულ პრინციპებზე დაფუძნებული, ყველაზე ძლიერი პოლიტიკური ძალა საქართველოში და ივანიშვილის პარტიის თავმჯდომარეობა განპირობებულია იმით, რომ პარტია გაძლიერდეს და გახდეს ევროპული ტიპის პარტია, რათა შეძლოს ქართველი ხალხის სურვუილის შესრულება“ - განაცხადა ირაკლი სესიაშვილმა.
მან კიდევ ერთხელ უარყო პარტიის შიგნით არსებული დაპირისპირება. ეს მედიის მიერ აჟიტირებულ თემად მოიხსენია და დასძინა, რომ „დარჩება ისეთივე ერთიანი როგორც აქამდე იყო“.
ამ წუთებში მთაწმინდის პარკში „ქართული ოცნების“ პარტიის ყრილობა მიმდინარეობს, სადაც პარტიის თავმჯდომარედ ბიძინა ივანიშვილი უნდა დაამტკიცონ.
ყრილობის პირევლი ნაწილი დახურული იყო, სადაც საორგანიზაციო საკითხები მოაგვარეს. თავად ბიძინა ივანიშვილი კი რამდენიმე წუთის წინ მოვიდა მთაწმინდის პარკში.
