„საერთაშორისო გამჭვირვალობა საქართველოს“ კვლევის შედეგები საგანგაშოა და აჩვენებს, რომ ქვეყანაში მძიმე ვითარებაა, - ამის შესახებ "ევროპული საქართველოს" ლიდერმა დავით ბაქრაძემ დღეს გამოქვეყნებული კვლევის შედეგების შეფასებისას განაცხადა.
მისი თქმით, კვლევა ასევე აჩვენებს, რამდენად დაშორდა ხელისუფლება ხალხის პრობლემების გააზრებას და მათ მოგვარებას.
„ის რომ მოსახლეობის დიდ ნაწილს მიაჩნია, რომ საჯარო მოხელეები ხალხზე ზრუნვისა და პრობლემების მოგვარების ნაცვლად დაკავებული არიან საკუთარი თანამდებობის საკუთარი მიზნებისთვის, საკუთარი ნათესავებისთვის, ნეპოტიზმის გამოყენებით. ეს არის პრობლემა ქვეყანაში, ამ პრობლემას „ქართული ოცნება“ ვერ ხედავს, მაგრამ გრძნობს ჩვენი მოსახლეობა, ამიტომ კვლევა არის უაღრესად საგანგაშო.
ერთის მხრივ აჩვენებს იმას, თუ რამდენად რთული ვითარებაა და რამდენი პრობლემა არსებობს ქვეყანაში ხალხისთვის და მეორეს მხრივ აჩვენებს, რამდენად დაშორდა ხელისუფლება ხალხის პრობლემების გააზრებას და მათ მოგვარებას“, - განაცხადა ბაქრაძემ.
ცნობისთვის, „საერთაშორისო გამჭვირვალობა - საქართველომ“ დღეს საზოგადოებრივი აზრის გამოკითხვის შედეგები გამოაქვეყნა.
