ანაკლიაში ლიტვის ყოფილი პრეზიდენტის ვალდას ადამკუსის სახელობის ბულვარი აშენდება.მშენებლობა სიმბოლურად საქართველოს პარლამენტის თავმჯდომარემ, დავით ბაქრაძემ და თავად ვალდას ადამკუსმა გახსნეს.
"აგერსიის დღეებში ჩვენი მეგობარი ქვეყნების პრეზიდენტები ჩამოვიდნენ საქართველოში. ისინი თბილისში, რუსთაველის გამზირზე დადგნენ ქართველ ხალხთან ერთად და განაცხადეს, რომ რაც არ უნდა მომხდარიყო, ისინი ქართველ ხალხთან ერთად იქნებოდნენ.
პრეზიდენტ ადამკუსს ლომის წილი ეკუთვნის აგვისტოს მოვლენების დროს საერთაშორისო მხარდაჭერის საქმეში. ეს იყო საკუთარი სიცოცხლის ფასად გაწეული მხარდაჭერა საქართველოს და ქართველი ხალხის დასაცავად, ქართული სახელმწიფოს და ჩვენი თავისუფლების დასაცავად. იმ წუთებში, როდესაც შეიძლებოდა ზოგიეთ ქართველსაც ეჭვი შეჰპაროდა როგორი იქნებოდა ჩვენი ქვეყნის მომავალი, პრეზიდენტ ვალდას ადამკუსს ეჭვი არ შეჰპარვია საქართველოს მომავალში. სწორედ ამიტომ ჩამოვიდა საქართველოში ის აგრესიის დღეებში და ამიტომ არის დღესაც ჩვენ გვერდით", - განაცხადა დავით ბაქრაძემ ანაკლიაში.
"ადგილი სადაც ჩვენ ვდგავართ რამდენიმე წელიწადში იქნება საქართველოს ერთ-ერთი ყველაზე ლამაზი ნაწილი. სიმბოლურია, რომ ამ ლამაზ ადგილს ერქმევა სწორედ იმ ადამიანი სახელი, რომელმაც მთელი თავისი ხანგრძლივი სახელმწიფო მოღვაწეობის განმავლობაში ყველაფერი გააკეთა იმისთვის, რომ საქართველოს ხვალინდელი დღე დამდგარიყო და ხვალინდელი დღე ყოფილიყო ლამაზი, მშვიდი და ევროპული", _ განაცხადა დავით ბაქრაძემ.
ბულვარი 5 კილომეტრზეა გადაჭიმული და იქ ევროპიდან ჩამოტანილი პალმები უკვე დარგულია.
ანაკლიაში ახალი სასატუმროც გაიხსნა. ჭითელი ლენტი დავით ბაქრაძემ და ვალდას ადამკუსმა გაჭრეს. გახსნას ხელისუყფლების წევრებიც დაესწრნენ. ვალდას ადამკუსმა და მიმა მეუღლემ საქართველოს ერთიანობის სადღეგრძელო შესვეს.
"მჯერა რომ საქართველო ერთიანი, თავისუფალი და წარმატებული იქნება. ქართველ ხალხს ბედნიერებას ვუსურვებ", _ განაცხადა ვალდას ადამკუსის მეუღლემ ალმა ადამკენემ.
