ჯიქიას ქუჩაზე ნაძვნარში გაჩენილი ხანძარი ამ დროისთვის ლოკალიზებულია.
ამის შესახებ "ჯი-ეიჩ-ენს" საგანგებო სიტუაციების საქალაქო სამსახურის უფროსმა თემურ გიორგაძემ განუცხადა.
მისი ინფორმაციით, ხანძარი დღეს, 14:30 საათზე გაუჩნდა, რის შედეგადაც ნაძვნარი დაიწვა.
"ნაძვნართან ახლოს სამხედროს ობიექტი იმყოფება, თუმცა ამ ეტაპზე მას საფრთხე არ ემუქრება. ცეცხლი სრულად არის ლოკალიზებული", - აღნიშნა გიორგაძემ.
შემთხვევის ადგილას 11 სახანძრო ბრიგადა მუშაობდა. ჯერჯერობით უცნობია ხანძრის გამომწვევი მიზეზები. დაწყებულია გამოძიება.
