საქართველოს ყოფილმა პრეზიდენტმა, მიხეილ სააკაშვილმა თბილისის საქალაქო სასამართლოს მიერ, მის მიმართ გამოტანილი გამამტყუნებელი განაჩენი გაასაჩივრა,- ამის შესახებ ინფორმაცია „ჯი-ეიჩ-ენს“ სააკაშვილის საზოგადოებრივმა ადვოკატმა, სოფიო გოგლიჩიძემ მიაწოდა.
„28 იანვარს, სააკაშვილის დედამ მოთხოვნა გადმომცა, რომლის მიხედვითაც, ის განაჩენის სააპელაციო წესით გასაჩივრებას ითხოვს. საჩივარი 2 თებერვალს შევიტანე. ის მანამდეც გამზადებული მქონდა, უბრალოდ, სააკაშვილის თანხმობას ველოდებოდი", - აცხადებს გოგლიჩიძე.
ცნობისთვის, ადვოკატი სააკაშვილთან და მის ოჯახთან დაკავშირებას დიდი ხნის განმავლობაში უშედეგოდ ცდილობდა. მისთვის პრეზიდენტის გადაწყვეტილება განაჩენის გასაჩივრებასთან დაკავშირებით სულ რამდენიმე დღის წინ გახდა ცნობილი.
შეგახსენებთ, რომ მიხეილ სააკაშვილს თბილისის საქალაქო სასამართლომ გამამტყუნებელი განაჩენი 5 თებერვალს გამოუტანა. ყოფილ პრეზიდენტს, სახელმწიფო ბრალდება სანდრო გირგვლიანის მკვლელობის საქმეში უფლებამოსილების ბოროტად გამოყენებას ედავებოდა.აღნიშნულ საქმეზე სასამართლო პროცესები თითქმის, 5 წლის განმავლობაში მიმდინარეობდა.
