„ფაქტია, რომ ბრალდების მხარის შუამდგომლობა დაუსაბუთებელი იყო, ასევე დაუსაბუთებელია სასამართლოს გადაწყვეტილებაც. ბუნებრივია, აღნიშნულს გავასაჩივრებთ“, - განუცხადა „ჯი-ეიჩ-ენს“ 35-ე სკოლის მოსაწავლეების დაჭრაში ბრალდებულის ადვოკატმა, ირმა ჭკადუამ.
როგორც ის განმარტავს, პროკურატურას ბრალის დამძიმების საფუძველი არ ჰქონდა, რადგან ექსპერტიზის დასკვნები ჯერ არ არის.
„ჯერ ექსპერტიზის დასკვნები არ არსებობს, უფრო მეტიც, მკვლელობის მცდელობას ადგილი არ ჰქონია. იმის ფონზე, როცა ექსპერტიზის დასკვნა არ არსებობს, კვალიფიკაციის შეცვლის საფუძველიც არ არსებობდა. თუმცა, ბრალდების მხარეს უფლება აქვს გამოძიება დაიწყოს სხვა მუხლით და ბრალი სხვა მუხლით წაუყენოს. ჩვენ, გამოძიების შედეგებს, ექსპერტიზის დასკვნებს დაველოდებით და შესაბამისად ვიმოქმედებთ“, - აცხადებს ადვოკატი.
შეგახსენებთ, რომ დღეს თბილისის საქალაქო სასამართლომ 35-ე სკოლის მოსაწავლეების დაჭრაში ბრალდებულ არასრულწლოვანს აღკვეთის ღონისძების სახით, პატიმრობა შეუფარდა. სასამართლომ პროკურატურის მოთხოვნა სრულად დააკმაყოფილა.
ბრალდებულ არასრულწლოვანს ბრალიც დაუმძიმდა. პოროკურატურა მას სსკ-ის კოდექსის 19-109 მუხლის მე-2 ნაწილის ბ და მე-3 ნაწილის ა ქვეპუნქტით ჩადენილ დანაშაულს ედავება, რაც გულისხმობს განზრახ მკვლელობის მცდელობას წინასწარი შეცნობით არასრულწლოვნებისა და ორი პირის მიმართ. წარდგენილი ბრალდება განეკუთვნება განსაკუთრებით მძიმე კატეგორიის დანაშაულს და 16-დან 20 წლამდე თავისუფლების აღკვეთას ითვალისიწინებს.