“უკვე ჩანს, რომ “ნაციონალურ მოძრაობას” ძირი რაც უფრო ულპება, მით უფრო უხერხულ მდგომარეობაში აყენებს ზოგიერთ წარმომადგენელს", - ამის შესახებ "ქართული ოცნების" წევრმა, გია ვოლსკიმ განაცხადა.
მისივე თქმით, პარტიის ზოგიერთი წევრი კიდევ ცდილობს, რომ წინ გაიჭრას და მიხეილ სააკაშვილი ჩაანაცვლოს.
"რაც შეეხება მელიას, ეს ბულინგი არ არის, ბულინგის გამოწვევაა. აქ საუბარი ადამიანურ კონფლიქტზე არ არის, დაპირისპირება არის მექანიზმთან, რომელიც ცდილობს, სიტუაცია არიოს. თუ ამ საუბარზე რეაქცია გამოიხატება, ეს არ შეიძლება იმ ქმედებას შევადაროთ, რომელიც ბობოხიძემ პეტრე მამრაძის მიმართ ჩაიდინა. ყველანაირი კრიტიკა საჭირო და ასატანია, მაგრამ კრიტიკა აღარ არის, როცა ეს ადამიანურ ზღვარს სცდება. კრიტიკა უნდა მოისმინო, მაგრამ როცა უზრდელობაში გადადიხარ და შენგან აგრესია იმდენად მოდის, რომ შემაკავებელი მექანიზმი არ არსებობს, ადამიანები ვართ და შეიძლება, მეტი მოთმინება გვმართებს. სპექტაკლი იმას ემსახურებოდა, რომ პროცესები ადამიანურს გასცდენოდა”, – განაცხადა ვოლსკიმ.
