შინაგან საქმეთა მინისტრი ტელეკომპანია „იბერიაში“ მომხდარ შემთხვევას გამოეხმაურა:
„ამ შემთხვევას გარკვეული სპეკულაციები მოყვა. სრული პასუხისმგებლობით მინდა გითხრათ, რომ პოლიტიკურად ნეიტრალური საპოლიციო სისტემა არის ჩვენი უმთავრესი ფასეულობა და რა თქმა უნდა, მსგავს შემთხვევბს, ვისი მხრიდანაც არ უნდა მოდიოდეს ის შესაბამისი რეაგირება მოყვება.“ გიორგი გახარიას თქმით გამოძიება უკვე დაწყებულია და ჯერჯერობით 126-ე მუხლით მიმდინარეობს, თუმცა შეიძლება გადაკვალიფიცირდეს.
მისი თქმით, სამართალდამცავ ორგანოებს აქვთ ვალდებულება, შეასრულონ თავიანთი მოვალეობა ყველა მოქალაქის წინაშე - „ პოლიტიკურად ნეიტრალური საპოლიციო სისტემა არის ქვეყნისთვის ძალზედ მნიშვნელოვანი კომპონენტი"- განაცხადა გიორგი გახარიამ.
"ერთიანი ნაციონალური მოძრაობის" პოლიტიკური საბჭოს წევრს ეკა წამალაშვილს ტელეკომპანია "იბერიას" პირდაპირ ეთერში, საქართველოს კულტურის პალატის პრეზიდენტმა დავით ოქიტაშვილმა წყალი შეასხა.
დავით ოქიტაშვილმა ეკა წამალაშვილს "ქუჩის ქალი" უწოდა.
მომხდარის შემდეგ, გადაცემის წამყვანმა ბოდიში მოიხადა და პროტესტის ნიშნად ეთერი დატოვა.