[გიორგი] კვირიკაშვილი გადადგება, ჩვენ მას გადავაყენებთ, – ამის შესახებ „პატრიოტთა ალიანსის“ ლიდერმა ირმა ინაშვილმა საზოგადოებრივი მაუწყებლის გადაცემაში „აქტუალური თემა მაკა ცინცაძესთან ერთად“ განაცხადა.
მისი თქმით, ისინი პიროვნულად არავის ებრძვიან, ისინი ებრძვიან იმ მართვის სტილს, რომელიც გიორგი კვირიკაშვილმა დაამკვიდრა.
მისივე თქმით, მათ არავის აზრი არ აინტერესებთ, მხოლოდ საკუთარი აზრი მოსწონთ, იღწვიან იმისთვის, რომ ძალაუფლება ბოლომდე განიმტკიცონ. ინაშვილმა აქვე აღნიშნა, რომ ოპოზიციას ექნება თუ არა რამე შენიშვნა, ან წინადადება, კვირიკაშვილის გუნდისთვის ამას მნიშვნელობა არ აქვს.
„პიროვნულად არავის ვებრძვით, მაგრამ კვირიკაშვილის მართვის სტილი თანამედროვე საქართველოს გამოწვევებს არანაირად არ პასუხობს. პრობლემა მის მიერ დამკვიდრებული მართვის სტილია, როცა პარლამენტში ძალაუფლება ხელში რამდენიმე ადამიანმა ჩაიგდო. ეს კვირიკაშვილის საპარლამენტო გუნდია, სადაც სულ ხუთი-ექვსი კაცია – მდინარაძეები, კობახიძეები, ზარდიაშვილი, იგივე თალაკვაძე“, – განაცხადა ირმა ინაშვილმა.
