,,2008 წელს ის 4 მილიარდი, რაც გადმოირიცხა ჩვენი დონორი ქვეყნებიდან, დევნილებზე რომ მიგემართათ, რაზეც იყო რეალურად გამოყოფილი ეს თანხა და კაცმა არ იცის სად წავიდა, სად აორთქლდა, დღეს ქალბატონ ელენეს ამ კითხვის დასმა არ მოუწევდა ბატონი სოზარისთვის და ბატონი პრემიერისთვის. ყველა დევნილი დაკმაყოფილებული იქნებოდა საცხოვრებელი ბინით”, - განაცხადა საპარლამენტო უმრავლესობის ერთ-ერთმა ლიდერმა, სოფიო კილაძემ ”ევროპული საქართველოს” წევრის ელენე ხოშტარიას მიერ დევნილებთან დაკავშირებით დასმულ კითხვაზე საპასუხოდ.ხოშტარია დაინტერესდა, როდის დასრულდება დევნილთა განსახლება მიმდინარე ტემპებით.
,,დღესდღეობით ჩვენ გვაქვს სწორი პოლიტიკა, ბიუჯეტის ფარგლებში რაც შეგვიძლია, მაქსიმალურად ვაკმაყოფილებთ ამ ადამიანებს ფართებით და დარწმუნებული ვარ ეს პროცესი ძალიან მალე მივა ბოლომდე“, - დასძინა სოფიო კილაძემ.
