სერგო თეთრაძე რუსეთის ციხეში მყოფ ქართველ პატიმრებში უნდა გაცვლილიყო - ეს განცხადება, შინაგან საქმეთა ყოფილმა მინისტრმა, ბაჩო ახალაიამ გააკეთა. ახალაიამ მის მიმართ წაყენებულ ბრალზე და სერგო თეთრაძის გარდაცვალების სკანდალურ საქმეზე "შაბათის კურიერში" ისაუბრა.
"სინამდვილეში ასე არ არის, დადგენილია, რომ იქ არანაირი გაუპატიურება არ ყოფილა. აბსურდია, აბსოლუტური აბსურდია, მაგრამ აქ არის მნიშვნელოვანი ერთი რამ, ეს ადამიანი, რომელიც იყო დაკავებული, არათუ ვინმეს შეეძლო წნეხის ქვეშ მოექცა, არამედ სასათბურე პირობებში უნდა ყოფილიყო, რომელიც უნდა გაცვლილიყო იმ პატიმრებში, რომელიც იმ დროს რუსეთის ციხეებში იმყოფებოდნენ. ის უნდა ყოფილიყო საუკეთესო პირობებში და ეს მოლაპარაკება თითქმის ბოლომდე იყო მისული და ჩვენ ამ რამოდენიმე პატიმრის სანაცვლოდ უნდა მიგვეღო ჩვენი ქართველი პატიმრები, რომლებიც რუსეთის ციხეებში იყვნენ. რომელი გიჟი გააკეთებს იმას, რომ კაცი, რომელიც აქ გყავს გასაცვლელად, წნეხის ქვეშ მოაქციო, როცა იცი, რომ მისი საპირწონე რუსეთის ციხეში ზის?" - განაცხადა ბაჩო ახალაიამ.
