კულტურის და ძეგლთა დაცვის მინისტრ მიხეილ გიორგაძის განცხადებით, სააკაშვილის ექსტრადირებასთან დაკავშირებით მოთხოვნა რამდენიმე თვის წინ გაიგზავნა და მის გაუქმებას არავინ აპირებს. რაც შეეხება ახალ მოთხოვნას, მინისტრის თქმით, ახალი მოთხოვნა არ გაგზავნილა.
”რაც შეეხება დაკავებას, უკრაინულ მხარეს აქვს ძალიან კონკრეტული შეკითხვები კონკრეტულ საქმესთან დაკავშირებით, ასე რომ, ვნახოთ, როგორ განვითარდება მოვლენები”,- დასძინა გიორგაძემ.
საქართველოს ყოფილი პრეზიდენტი და ოდესის ოლქის ყოფილი გუბერნატორი კიევში 8 დეკემბერს დააკავეს. კრიანის უსაფრთხოების სამსახურის ინფორმაციით, მიხეილ სააკაშვილი უკრაინის სისხლის სამართლის კოდექსის 256-ე მუხლის პირველი ნაწილის (დანაშაულებრივი ორგანიზაციების ხელშეწყობა და მათი დანაშაულებრივი საქმიანობის დაფარვა) საფუძველზე დაწყებული გამოძიების ფარგლებში დააკავეს. აღნიშნული მუხლი თავისუფლების 3-დან 5 წლამდე აღკვეთას ითვალისწინებს.