ადვოკატთა ასოციაციის თავმჯდომარის ზაზა ხატიაშვილის განცხადებით, არჩევნების არსებული შედეგების შემთხვევაში, მეორე ტური უნდა ჩატარდეს. მისივე თქმით, მართალია დავით ასათიანი ხმათა უმრავლესობით ლიდერობს, მაგრამ ისიც ფიქრობს, რომ კარგი იქნება, მეორე ტურის ჩატარება
.. ადვიკატთა ასოციაცია ვალდებული იქნება, კანონისა და წესდების მოთხოვნა შეასრულოს. ზოგიერთი კოლეგა ფიქრობს, რომ ბატონმა დავით ასათიანმა პირველსავე ტურში გაიმარჯვა, მაგრამ პროფესიის ერთიანობიდან გამომდინარე, თვითონ დავით ასათიანიც ფიქრობს, რომ კარგი იქნება, თუ მეორე ტური ჩატარდება“, – განაცხადა ზაზა ხატიაშვილმა და დასძინა, რომ მეორე ტური უნდა ჩატარდეს ორი კვირის განმავლობაში.
ადვოკატთა ასოციაციის თავმჯდომარის არჩევნებში დავით ასათიანმა 1128 ხმა მიიღო. დავით ასათიანის შემდეგ ხმების რაოდენობით ლევან ჯანაშია მოდის.
ადვოკატთა ასოციაციის თავმჯდომარეობისთვის 12 კანდიდატი იბრძოდა. რეგისტრაციის მიხედვით არჩევნებში მონაწილეობა 2324 ადვოკატმა მიიღო.
საქართველოს ადვოკატთა ასოციაციის არჩევნების საბოლოო, შემაჯამებელი ოქმი სავარაუდოდ, დღეს გამოქვეყნდება. ამ დროისთვის, უცნობია, ადვოკატთა ასოციაციის არჩევნების მეორე ტური გაიმართება, თუ ერთ-ერთი კანდიდატი გამოცხადდება გამარჯვებულად. თუკი არჩევნების მეორე ტური გახდება საჭირო, მასში მონაწილეობას დავით ასათიანი და ლევან ჯანაშია მიიღებენ.
