ენმ-ის წევრი ზაალ უდუმაშვილი მიიჩნევს, რომ პეტრე პოროშენკო წაგებულ თამაშს თამაშობს. მისი თქმით, უკრაინის პრეზიდენტის თითოეული ნაბიჯი სააკაშვილთან მიმართებით, მხოლოდ და მხოლოდ ასრულებს კატალიზატორის როლს პროცესებში.
უდუმაშვილის თქმით, დღეს "ნაციონალური მოძრაობის" პოლიტსაბჭოს სხდომა გაიმართება, სადაც პარტიის ლიდერები სამოქმედო გეგმაზე იმსჯელებენ.
„ჩვენ სცენარის განვითარების ნებისმიერი ვარიანტისთვის მზად ვართ, ჩვენ ჩვენი გეგმა გვაქვს სამოქმედო შემუშავებული, რომელსაც მივყვებით. თუმცა, დღეს პარტიის პოლიტსაბჭო კიდევ შეიკრიბება დამატებით საღამოს და უკვე განვიხილავთ კონკრეტულ საკითხებს,“ - განაცხადა უდუმაშვილმა.
