„ვინ მოგცათ ბრძანება, რომ იარაღები ჩაგედოთ, ან ის იაღარი სად არის-მეთქი, პასუხი არ გამცეს, ისე გაიქცნენ“, - განუცხადა „ჯი-ეიჩ-ენს“ ბუტა რობაქიძის მამამ, სოსო რობაქიძემ.
რობაქიძის თქმით, სასამართლოში დღეს დაკითხულმა მოწმეებმა ბრალდებულების წინააღმდეგ მისცეს ჩვენება.
„დღეს მოწმეებმა სასამართლოზე თქვეს, რომ იარაღი ბუტა რობაქიძეს ჩაუდეს. პოლიციელებს ჩხრეკისას იარაღი არ უნახავთ, მაგრამ ჩადებული ნახეს. ეგონათ, რომ მოწმეები ჰყავდათ, დღეს დაკითხულმა პოლიციელებმაც ბრალდებულების წინააღმდეგ მისცეს ჩვენება.
ორი დღის წინ, კი აბუაშვილმა მისცა ჩვენება, რომელმაც თქვა, რომ შეაშინეს და ადრინდელი ჩვენებაც ამის საფუძველზე მისცა. მისი თქმითაც, იარაღი არ ყოფილა. ეს ბიჭი რომ მოკლეს, ცუდად გავხდი, მანქანაში ჩავჯექი, შსს-ს მაღალი თანამდებობის პირი ჩამიჯდა და მითხრა, იტყვი, რომ იქ ორმხრივი სროლა იყო, პოლიციელებს გაუხსნეს ცეცხლი და შემდეგ მოკლა პოლიციელმა ისო. ამას თუ არ იტყვი, ცოლ-შვილი აღარ გეყოლებაო, დამემუქრაო“, -აცხადებს რობაქიძე.
ის საგამოძიებო ორგანოს მუშაობით კმაყოფილია.
„ამ ბოლო დროს რაღაცეები გამოსწორდა, პროკურატურამაც გამოასწორა თავისი საქმე. სანამ ბოლომდე არ ამომივიდა ყელში და არ ვიყვირე, მანამდე ხმას არავინ არ იღებდა. მე მგონი, ყველაფერი ნორმალურად მიდის, ცილს ვერავის დავწამებ. ორშაბათს 11 საათზე კი, ოქროს მოწმე - პოლიციელი დაიკითხება. დღეს უნდა დაკითხულიყო, მაგრამ ვერ მოასწრეს“, - განაცხადა სოსო რობაქიძემ.
შეგახსენებთ, რომ დღეს, თბილისის საქალაქო სსამართლოში ბუტა რობაქიძის მკვლელობის საქმის ფიგურანტების პროცესი მიმდინარეობდა. საქმე ეხება რობაქიძის სიცოცხლის მოსპობისას შინაგან საქმეთა სამინისტროს მაღალჩინოსნების მხრიდან უფლებამოსილების გადამეტების ეპიზოდს.
