პალესტინელთა მიერ დაანონსებულ მრისხანების დღეს ისრაელი უსაფრთხოების განსაკუთრებული ზომებით ხვდება. იერუსალიმში ალ-აქსას მეჩეთთან პოლიციელები და სამხედრო მოსამსახურეები პატრულირებენ. დაძაბულობის მიუხედავად, ისრაელის ხელისუფლებამ პალესტინელებს მეჩეთში სალოცავად მისვლის უფლება მისცა. პოლიციელები არიან მობილიზებულნი გოდების კედელთანაც. ვითარება იერუსალიმში მას შემდეგ დაიძაბა, რაც სადავო ქალაქი შეერთებული შტატების პრეზიდენტმა ისრაელის დედაქალაქად აღიარა.
