ამერიკის სახელმწიფო მდივანი ეუთოს მინისტერიალის ფარგლებში რუსეთის საგარეო საქმეთა მინისტრს შეხვდა. რექს ტილერსონმა და სერგეი ლავროვმა უკრაინის, სირიისა და ჩრდილოეთ კორეის საკითხებზე იმსჯელეს. უკრაინაზე საუბრისას ტილერსონმა განაცხადა, რომ შეერთებული შტატები რუსეთის მიერ ყირიმის ანექსიას არასდროს დაეთანხმება და სანქციები მანამდე იქნება ძალაში, სანამ უკრაინა ნახევარკუნძულზე კონტროლს არ დაიბრუნებს. ტილერსონი და ლავროვი ერთმანეთს ბოლოს 6 აგვისტოს შეხვდნენ.
