კიევში, უმაღლეს რადასთან საპროტესტო აქცია გრძელდება. მიხეილ სააკაშვილი კვირას, მხარდამჭერებთან ერთად მარშისთვის ემზადება. ოდესის ყოფილმა გუბერნატორმა სოციალურ ქსელში მიმართვა გამოაქვეყნა.
,,სამშაბათის ცნობილ მოვლენებს ტყუილად არ ჩაუვლია. გუშინ მე ხმა დავკარგე, დღეს სიცხე მქონდა. მაგრამ მარშისთვის, 10 დეკემბერს პირობას გაძლევთ თქვენს გვერდით ვიქნები,"- დაწერა სააკაშვილმა.
ოპოზიციონერების განცხადებით, მოთხოვნების შესრულებამდე არ დაიშლებიან. მთავარ მოთხოვნად კი, კვლავ პრეზიდენტის იმპიჩმენტის შესახებ კანონის მიღება რჩება.
