კატალონიის ყოფილი ლიდერი ესპანეთში დაბრუნებისთვის თავის პირობას აყენებს. კარლეს პუჩდემონის თქმით, ის იმ შემთხვევაში დაბრუნდება, თუ კატალონიაში 21 დეკემბერს დაგეგმილ საპარლამენტო არჩევნებში გაიმარჯვებს. პუჩდემონი არჩევნებში ბლოკ „ერთად კატალონიისთვის“ სიით მონაწილეობს. ოქტომბრის ბოლოს ესპანეთის ხელისუფლებამ კატალონიის ავტონომიაში პირდაპირი მმართველობა შემოიღო, გადააყენა რეგიონალური მთავრობა, დაითხოვა პარლამენტი და 21 დეკემბერს ვადამდელი საპარლამენტო არჩევნები დანიშნა. პუჩდემონი თავს ამ დრომდე ბელგიას აფარებს.
