„არა ერთხელ გვსმენია არა ერთი ჭორი სხვადასხვა საკითხებთან მიმართებით და მე მგონია, რომ ამ შემთხვევაშიც საქმე გვაქვს გადაუმოწმებელ ინფორმაციასთან”, - ამის შესახებ საპარლამენტო უმრავლესობის წევრმა სოფო კილაძემ გაბრიელ სალოსის ქუჩაზე სპეცოპერაციის დროს ახმედ ჩატაევის სავარაუდო ლიკვიდაციაზე საუბრისას განაცხადა.
,,რა თქმა უნდა, საზოგადოებისთვის მნიშვნელოვანია გაიგოს, ვინ იყვნენ ეს ადამიანები, ვინც ასეთი წინააღმდეგობა გაუწია სამართალდამცავ სტრუქტურებს, მაგრამ ყველაფერს აქვს თავისი დრო და დღესდღეობით მიმდინარეობს შესაბამისი ღონისძიებები სამართალდამცავი სტრუქტურების მხრიდან და ვფიქრობ, რომ მანამ, სანამ არ დასრულდება ეს ღონისძიებები იმისთვის, რომ საფრთხე არ შეექმნას გამოძიებას, ჯერჯერობით თავი უნდა შევიკავოთ მსგავსი განცხადებებისგან. მათ შორის, მედიასაც დიდი წვლილი აქვს ამ საქმეში,“ - აღნიშნა სოფიო კილაძემ.