ისნის გამგებლის კახა ლაბუჩიძის ინფორმაციით, ბერი გაბრიელ სალოსის ქუჩის 46-ე კორპუსიდან, შესაძლოა, ყველა ოჯახი გაიყვანონ. მისი თქმით, კორპუსი, სადაც გუშინ ტერორიზმში ეჭვმიტანილები იყვნენ გამაგრებულები, ავარიულია. ამასთან, 8 სახლი სპეცოპერაციის დროს დაზიანდა.
გამგებლის განცხადებით, 46-ე კორპუსში სულ 25 ოჯახი ცხოვრობს, მათგან ნაწილი სასტუმროებშია განთავსებული.
როგროც ლაბუჩიძე ამბობს, ადგილზე კრიმინალისტები მუშაობენ, მათ შემდეგ კი კორპუსის მდგრადობას ექსპერტები შეისწავლიან. არსებული ინფორმაციით, თავიანთ საცხოვრებელ სახლებში დაბრუნებას დღეს ვერცერთი ოჯახი ვერ შეძლებს.
ისნის რაიონის გამგეობაში და თბილისის მერიაში მოქმედებს ცხელი ხაზის ნომრები, სადაც დაზარალებულებს შეუძლიათ დარეკვა. ისნის გამგეობა - 2 37 50 29, 599 53 70 40; თბილისის მერია - 2 72 22 22.
