კატალონიის ჟენერალიტეტის ყოფილ წევრებს შესაძლოა 21 დეკემბრის ვადამდელ არჩევნებში მონაწილეობის უფლება მიეცეთ. ესპანეთის მთავრობის ოფიციალური წარმომადგენლის, ინიგო მენდეს დე ვიგოს განმარტებით, ეს იმ შემთხვევაში მოხდება, თუ ყოფილ მინისტრებს არჩევნებამდე გამამტყუნებელ განაჩენს არ გამოუტანენ.
„სანამ სასამართლო საბოლოო გადაწყვეტილებას არ მიიღებს, ყველას აქვს უფლება არჩევნებზე საკუთარი კანდიდატურა წამოაყენოს,“-აღნიშნა დე ვიგომ.
მადრიდმა კატალონიის მთავრობის 8 მაღალჩინოსანი ამბოხის ბრალდებით გუშინ დააკავა.
