ნიუ იორკში განხორციელებულ ტერაქტს მოსკოვშიც გამოეხმაურნენ. საგანგებო განცხადება კრემლის პრეს-მდივანმა გააკეთა.
„ეს არის ტრაგიკული, არაადამიანური თავდასხმა. გვინდა თანაგრძნობა გამოვუცხადოთ დაღუპულთა ოჯახებს,“-აღნიშნა დიმიტრი პესკოვმა.
თავდასხმა მანჰეტენის ხალხმრავალ რაიონში 29 წლის უზბეკმა საიფულო საიპოვმა განახორციელა. ის პიკაპით ჯერ ფეხით მოსიარულეებსა და ველოსიპედისტებს, შემდეგ კი სასკოლო ავტობუსს დაეჯახა. შედეგად, 8 ადამიანი დაიღუპა, 12 კი დაშავდა. დაღუპულთა შორის არგენტინისა და ბელგიის მოქალაქეებიც არიან. სამართალდამცველებმა თავდამსხმელი მძიმედ დაჭრეს. მის მანქანაში პოლიციამ წერილი აღმოაჩინა, საიდანაც ირკვევა, რომ საიპოვი ისლამური სახელმწიფოს დაჯგუფებასთან იყო კავშირში.
