კატალონიის ყოფილი ლიდერი ბრიუსელიდან ბარსელონაში ბრუნდება. კარლეს პუჩდემონმა ყოფილი მთავრობის 13 წევრთან ერთად სასამართლოს წინაშე ჩვენება უნდა მისცეს. ეს სავარაუდო, 2 ან 3 ნოემბერს მოხდება. კატალონიის ჟენერალიტეტის მეთაური სამშობლოში დაბრუნებას იმ პირობით დათანხმდა, რომ მისი უსაფრთხოება სათანადოდ უნდა იყოს გარანტირებული. ესპანეთის პროკურატურამ რეგიონის ყოფილი ლიდერი და მისი მთავრობა ამბოხების ორგანიზებაში დაადანაშაულა. მანამდე კი მადრიდმა კატალონიის პარლამენტის მიერ გამოცხადებული დამოუკიდებლობის დეკლარაცია გააუქმა.
