უზბეკეთის ხელისუფლება მზადაა ამერიკულ მხარესთან ნიუ იორკის ტერაქტის გამოძიების საქმეში ითანამშრომლოს. ამის შესახებ ქვეყნის პრეზიდენტმა შავკატ მირზიოვმა განაცხადა. თავდასხმა მანჰეტენის ხალხმრავალ რაიონში 29 წლის უზბეკმა საიფულო საიპოვმა განახორციელა. ის პიკაპით ჯერ ფეხით მოსიარულეებსა და ველოსიპედისტებს, შემდეგ კი სასკოლო ავტობუსს დაეჯახა. შედეგად, 8 ადამიანი დაიღუპა, 12 კი დაშავდა. დაღუპულთა შორის არგენტინისა და ბელგიის მოქალაქეებიც არიან. სამართალდამცველებმა თავდამსხმელი მძიმედ დაჭრეს. მის მანქანაში პოლიციამ წერილი აღმოაჩინა, საიდანაც ირკვევა, რომ საიპოვი ისლამური სახელმწიფოს დაჯგუფებასთან იყო კავშირში.
