ამერიკელმა მეცნიერებმა მიაკვლიეს პარაზიტს, რომელიც კალიფორნიის სანაპიროებზე, ზვიგენებს ,,თვითმკვლელობისკენ“ უბიძგებდა.
მიმდინარე წელს ათასზე მეტი ფაქტი დაფიქსირდა, როდესაც ზვიგენები ხმელეთზე გადმოხტნენ და მოკვდნენ. ამის მიზეზე დიდხანს რჩებოდა გაურკვევლი, თუმცა ბუნებრივი რესურსებისა და მეთევზეობის დეპარტამენტის მიერ ჩატარებულმა კვლევებმა საბოლოოდ შედეგი გამოიღო. კვლევის თანახმად, სასუნთქი გზებიდან ზვიგენების ტვნში აღწევდა პარაზიტი Miamiensis avidus, რომელიც ჭამდა მას. შედეგად კი, ზვიგენი კარგავდა ორიენტაციას, ხტებოდა სანაპიროზე ან ოკეანეში კვდებოდა.
მეცნიერთა აზრით, დაავადების მიზეზი, ხანგრძლივი წვიმებია, რომლის შედეგადაც წყლების ქიმიური შემადგენლობა შეიცვალა და ზღვის ცხოველების იმუნიტეტი შეამცირა.
