კიევის ცენტრში უმაღლეს რადასთან სამართალდამცველებმა ანტისამთავრობო აქციის მონაწილეების მიერ გაშლილი კარვები აიღეს. დემონსტრაცია პოლიციამ ძალის გამოყენებით დაშალა.
სააგენტო „უნიანის“ ცნობით, პოლიციამ მანიფესტანტების წინააღმდეგ ცრემლსადენი გაზი გამოიყენა. მომიტინგეებსა და ძალოვნებს შორის დაპირისპირებისას რამდენიმე ადამიანი დაშავდა.
თვითმხილველების თქმით, სამართალდამცველებმა აქციის 11 მონაწილე დააკავეს. შინაგან საქმეთა სამინისტროში აცხადებენ, რომ დაკავებული აქტივისტები უკვე გაათავისუფლეს.
