ტერორისტული დაჯგუფებები „ისლამური სახელმწიფო“ და "ალ ქაიდა" მასშტაბურ, 11 სექტემბრის მსგავს ტერაქტებს გეგავენ. ეს განცხადება დაზვერვის მონაცემებზე დაყრდნობით აშშ შიდა უსაფრთხოების დეპარტამენტის ხელმძღვანელის მოვალეობის შემსრულებელმა გააკეთა. ელენ დიუქის თქმით, რადიკალი ისლამისტებისთვის ახლა გარდამავალი პერიოდია. ისინი გეგმების განსახორციელებლად ფინანსების მოძიებასა და საკუთარ რიგებში მეტი ადამიანის გადაბირებას ცდილობენ. ლონდონში აშშ-ს სალეჩოში სიტყვით გამოსვლისას მაღალჩინოსანმა აღნიშნა, რომ ტერორისტებს მასშტაბური თავდასხმის მოწყობა კვლავ თვითმფრინავების გამოყენებით სურთ.
