არ შეიძლება იმის დაშვება, რომ უპასუხისმგებლო პოლიტიკანებმა ტრაგიკული მოვლენები გაიმეორონ, - ამის შესახებ უკრაინის პრეზიდენტმა პეტრო პოროშენკომ კიევში მიმდინარე აქციასთან დაკავშირებით კომენტირებისას განაცხადა.
„გაგებით ვეკიდები აქციებს და პატივს ვცემ მათ მონაწილეებს. გარდა ამისა, ჩემთვის ძალიან მნიშვნელოვანია და ვითხოვ სამართალდამცველებისგან აქციის მშვიდობად ჩატარება უზრუნველყონ. არავითარ შემთხვევაში არ შეიძლება იმის დაშვება, რომ უპასუხისმგებლო პოლიტიკანებმა ტრაგიკული მოვლენები გაიმეორონ, რომელიც 31 აგვისტოს მოხდა და რის შედეგადაც ეროვნული გვარდიის ოთხი წევრი დაიღუპა“, - აღნიშნა უკრაინის პრეზიდენტმა.
მისივე თქმით, წესრიგის უზრუნველყოფა სამართალდამცველებისა და საპროტესტო აქციის ორგანიზატორების მნიშვნელოვანი ამოცანაა.
ადგილობრივი მედიის ინფორმაციით აქციაში 5000 ადამიანი იღებს მონაწილეობას და ადგილზე 3500 სამართალდამცავია მობილიზებული.
